Xususiy treyding haqida tushuncha

Xususiy treyding nima?

Xususiy treyding deganda tijorat banki, brokerlik firmasi yoki hatto investitsiya banki kabi moliya instituti fond bozorida bevosita savdo qilish yoki faoliyatga sarmoya kiritishi tushuniladi. Ushbu tashkilotlar obligatsiyalar, aksiyalar, tovarlar, derivativlar, valyutalar va boshqa vositalar bilan treyding qilishi mumkin.

Ushbu institutlar fond bozorida treyding qilish va investitsiya qilishda mijoz pullarini emas, balki shaxsiy mablagʻlaridan foydalanadilar. Shunday qilib, ular mijozlar amalga oshigan savdolarga ishlov berishdan olinadigan komissiyaga qoʻshimcha ravishda, savdo bilan shugʻullanishdan ham toʻliq foyda oladi.

Xususiy treyding afzalliklari

Xususiy treyding bir nechta afzalliklarga ega. Ular bilan quyida tanishib chiqamiz.

1. Daromadning oshishi:

Xususiy treyding institutlarga broker sifatida ishlab, faqat komissiya olganga qaraganda koʻproq foyda olish imkonini beradi.

2. Qimmatli qogʻozlar inventarlarini zaxiralash:

Xususiy treyding firmaga aksiyalarni/qimmatli qogʻozlarni zaxiralash imkonini beradi. Ushbu inventarlarni bozor likvid boʻlmaganda yoki ochiq bozorda qimmatli qogʻozlarni sotib olish yoki sotish qiyinlashganda mijozlarga sotish mumkin.

3. Xususiy treyding firmalari chegirmalarni taklif qiladi:

Chegirmalar bozorga likvidlikni qoʻshganingizda beriladigan kompensatsiya sifatida tasniflanadi. Barcha treyding firmalari chegirmalarni taklif qiladi, lekin ularni chakana mijoz sifatida olishingiz dargumon.

4. Xususiy treyding firmalari yaxshi yordam taklif qiladi:

Biznes tabiatiga koʻra, xususiy treyding firmalari odatda kam sonli odamlar ishtirok etadigan oʻzaro yaqin bogʻlangan operatsiyalardir. Bu mijozlarga yordam koʻrsatish tez amalga oshirilishi va har qanday muammoni oddiy telefon qoʻngʻirogʻi yordamida hal qilish mumkinligini anglatadi. Ming yoki millionlab mijozlarga ega chakana broker orqali treyding qilish jarayonida ayrim hollarda mijozlarga yordam xizmati bilan bogʻlanishga uzoq vaqt ketishi sababli asabiylashish mumkin.

5. Xususiy treyding faoliyatida kredit yelkasidan foydalaniladi:

Bu koʻplab ochiq buyruqlarga ega boʼlishdan tashqari, siz bir nechta toʻldirilgan buyruqlarga ham ega boʻlishingiz mumkinligini anglatadi. Aksariyat xususiy kopmaniyalarda, ayniqsa, bir necha yil davomida ish tajribasiga ega boʻlganingizda, kredit yelkasi cheklovlari odatda qatʼiy qoʻllanmaydi.

6. Xususiy treyding orqali ochiq buyruqlar orqali likvidlikni yaxshiroq taʼminlash mumkin:

Agar siz odatda ochiq pozitsiyalarda savdo qilsangiz, u holda xususiy savdo chakana mijoz boʻlishga qaraganda yaxshiroq tanlov hisoblanadi. Ayrim xususiy treyding firmalar bir vaqtning oʻzida mingdan ortiq ochiq buyruqlarga ega boʻlishga imkon beradi.

7. Xususiy treyding "kam kapitalga ega" treyderlar uchun treyding faoliyatiga oson kirishni taklif qiladi:

Agar sizda investitsiya uchun 25 000 AQSH dollaridan kam mablagʻ boʻlsa, unda xususiy treydingda faoliyatni boshlash foydali boʻlishi mumkin. Buning sababi shundaki, xarid quvvatingiz chakana mijoz sifatida oladigan har qanday narsadan oshib ketishi mumkin.

8. Xususiy treyding firmalari diversifikatsiya qilish va xavfni kamaytirishingizga imkon beradi:

Sizda katta bank hisobi boʻlsa ham, xususiy treyding hali ham foydali tanlov boʻlishi mumkin. Masalan, kichik miqdorda depozit kiriting, keyin marjadan (yoʻqotishga qurbingiz yetadigan kapital) foydalanish, kapitalingizning qolgan qismini kapitalni oshirish uchun aksiyalarga yoki oʻzaro investitsiya fondlariga investitsiya qiling.

9. Xususiy treyding firmalari bir nechta treyding platformalarini taklif qiladi:

Xususiy treyding firmalarining eng katta afzalligi shundaki, ular sizga bir nechta platformalar ichidan birini tanlash imkonini beradi. Bu juda katta afzallik hisoblanadi, chunki chakana treyder sifatida siz odatda chakana firma taklif qiladigan narsalarga bogʻlangan boʻlasiz.

10. Xususiy treyding qisqa sotuvlar uchun inventarlarning katta roʻyxatlarini taklif qiladi:

Qisqa vaqt ichida samarali sotish uchun birinchi navbatda aksiyalarni topishingiz kerak boʻladi. Xususiy treyding firmalari buni amalga oshirishga imkon yaratadi. Chakana mijoz sifatida aksiyalarni topish va qisqa muddat ichida sotish imkoniyatlaringiz cheklangan boʻlishi mumkin. Ayrim aksiyalarga cheklovlar belgilangan yoki "qarzga olish qiyin boʻlgan aksiyalar" roʻyxatida boʻlishi va qisqa muddatli sotuv uchun mavjud boʻlmasligi mumkin.

Xususiy treyding kamchiliklari

Hayotdagi hamma narsa kani, xususiy treyding ham bir nechta kamchiliklarga ega. Ular bilan quyida tanishib chiqamiz.

1. Xususiy firmalar chakana brokerlarga qaraganda kamroq tartibga solinadi:

Masofaviy treyding xizmatini taʼminlaydigan koʻpgina xususiy treyding firmalari umuman tartibga solinmaydi. Bu ikki tigʻli qilichga oʻxshaydi, chunki uning ham yaxshi, ham yomon tomoni bor. Tartibga solinmaslik operatsion xarajatlarning kamroq boʻlishini anglatadi. Bunining salbiy tomoni shundaki, agar firma tartibga solinmasa, istalgan vaqtda kapitalingizni yoʻqotish xavfi mavjud boʻladi va xavf ayniqsa firma egalari firibgar boʻlganda yanada ortadi.

Shuning uchun siz kompaniya va menejerlar haqida oʻrganib chiqishingiz va maʼlumotlarni tekshirishingiz kerak. Agar firmaning ishonchliligi yoki halollik bilan bogʻliq muammolarga duch kelsangiz, u bilan ishlash boʻyicha oʻzingiz qaror qabul qiling. Bundan tashqari, tartibga solinmaganlik bitta tovlamachi treyder butun firmani xavf ostiga qoʻyishi mumkinligini ham anglatadi.

2. Pul yoʻqotish xavfi:

Xususiy treyder sifatida depozitingiz sugʻurta qilinmaydi va firibgarlik va boshqa biznes risklari uchun javobgarlikni oʻz zimmangizga olasiz. Bu asosan tartibga solish yoʻlga qoʻyilmagani yoki minimal tartibga solish darajasi bilan bogʻliq. Shu sababli, sizga faqat yoʻqotishga qurbingiz yetadigan summani kiritish tavsiya etiladi. Boshqa tomondan, chakana mijozlar chakana firmalarning qatʼiy tartibga solinishi tufayli pullarini sugʻurta qiladilar.

Yaxshi tomoni shundaki, depozit summasi juda kichik boʻlishi va tajribali treyder har oyda kapitalidan 100% daromad olishi mumkin.

3. Xususiy treyding toʻlovlari yuqori:

Aksariyat xususiy treyding firmalari siz foydalanadigan dasturiy taʼminot uchun, ayniqsa siz masofadan turib savdo qilsangiz, toʻlov oladi. Birgina dasturiy taʼminot uchun oylik toʻlovlar odatda 200 AQSH dollaridan boshlanadi. Chakana mijozlar toʻlaydigan toʻlovlar bilan solishtiradigan boʻlsak, xususiy treyding toʻlovlarini juda yuqori deb topishingiz mumkin.

4. Xususiy treyding asosan kunlik treyding hisoblanadi:

Garchi xususiy treyding yuqori kredit yeklasini taklif qilsa-da, bu odatda faqat kunlik treydinga tegishli hisoblanadi. Agar pozitsiyani bir kechaga qoldirishga qaror qilsangiz, unda koʻp foyda olmasligingiz mumkin. Bundan tashqari, aksariyat xususiy firmalar faqat kunlik treydingni taklif qiladi.

5. Xususiy treyding firmalari intellektual mulkingizni oʻgʻirlashi mumkin:

Ajoyib treyding strategiyalariga ega boʻlgan tajribali treyderlar strategiyalarinining xususiy treyding firmasi dasturiy taʼminot xodimlari tomonidan oʻgʻirlashga urinishlar ehtimoli juda yuqori. Firmalar mijozlarning strategiyalariga tayanib, mashina yordamida oʻrganish texnologiyasi orqali ularni kompyuterlarga oʻrgatgan holatlar mavjud.

Xususiy treyding kompaniyasi qanday ishlaydi?

Yuqorida aytib oʻtilganidek, xususiy treyding kompaniyasi odatda qimmatli qogʻozlar bozori faoliyati bilan shugʻullanadigan yirik moliyaviy muassasa hisoblanadi. Moliyaviy muassasadagi treyding boʻlimi oʻzini oʻzi targʻib qilish uchun pul savdolarini amalga oshirishda firma resurslari va hisoblaridan foydalanganda xususuiy treyding faoliyati sodir boʻladi. Ushbu savdolar koʻpincha spekulyativ xarakterga ega va bir qator hosilalar yoki boshqa murakkab investitsiya vositalari orqali amalga oshiriladi.

Biroq, firma savdo bilan shugʻullanadigan butun boshli tashkilot emas, u buni xususiy treyderlar orqali amalga oshiradi. Xususiy treyder kompaniya hisobi orqali kunlik savdolarni amalga oshirish uchun xodim yoki mijoz sifatida emas, balki mustaqil treyder sifatida tashkilot bilan shartnoma tuzadi. Savdolar kompaniya mablagʻlari hisobidan amalga oshiriladi.

Biroq, xususiy treyder boʻlish uchun, avvalo, odatda xavf hissasi deb ataladigan summani depozit sifatida kiritishingiz kerak. Sizning xavf hissangiz kompaniya tomonidan sizga qancha kredit yelkasi berilishini belgilaydi. Ishonchim komilki, siz nima uchun bu xavf hissasi deb nomlanishiga qiziqyapsiz. Buning sababi, savdo paytida yuzaga kelgan har qanday yoʻqotishlar treyderning depoziti (xavf hissasi) bilan qoplanadi.

Xavf hissasi shuni koʻrsatadiki, siz kompaniyaning eng yaxshi manfaatlariga sheriksiz va siz oʻta xavfli savdolarda qatnashmaysiz, chunki siz ham pulingizni yoʻqotishingiz mumkin. Har bir qimmatli qogʻozlar savdosining tomoni xususiy treyder emas, balki kompaniya hisoblanadi va shuning uchun har qanday savdoda har qanday yoʻqotishlarga u duchor boʻladi.

Xususiy treydingga misollar

Siz kichik summa, masalan, 5000 AQSH dollarini depozit sifatida kiritasiz, bu sizga oddiy PDT qoidalariga qaraganda ancha yuqori kredit yelkasi bilan savdo qilish imkoniyatini beradi. Qanchalik koʻp pul kiritsangizz, shunchalik katta kredit yelkasiga ega boʻlasiz. Eʼtibor berishingiz kerak boʻlgan narsa shundaki, siz savdo paytida yetkaziladigan barcha yoʻqotishlarning 100% qismini oʻz zimmangizga olishingiz kerak. Agar siz savdoni amalga oshirsangiz, masalan, kompaniyaning hisoblari orqali foydali aksiyalar sotib olib, keyin uni qimmatroq narxda sotsangiz, komissiya past boʻladi va siz foydaning bir qismini olasiz (taxminan 85-90%).

Qanday qilib xususiy treyder boʻlish mumkin?

Xususiy treyder boʻlish uchun birinchi navbatda tadqiqot olib borish zarur. Xususiy treyding haqida imkon qadar koʻproq maʼlumot oling va muvaffaqiyatli savdoni amalga oshirish boʻyicha koʻnikmalar va bilimlarni egallang. Siz buni onlayn oʻquv platformalari orqali amalga oshirishingiz yoki xususiy firmalar trening dasturlarida shaxsan ishtirok etishingiz mumkin.

Xususiy treydingni muvaffaqiyatli amalga oshirish uchun yetarli bilim, koʻnikma va vositalarga ega boʻlganingizdan keyin xususiy treyding firmasiga murojaat qilishingiz mumkin. Yuqorida aytib oʻtilganidek, savdoga kirishishdan oldin firma haqida tadqiqot oʻtkazish va maʼlumotlarni tekshirish tavsiya etiladi. Tashkilotning ishonchli ekanligiga ishonch hosil qilganingizdan keyin yuqori kredit yelkasidan foydalanish imkoniyatini beradigan xavf hissasini kiritishingiz kerak boʻladi.

Agar firma binolarida ichki xususiy treyding bilan shugʻullansangiz, unda ega boʻlish qiyin boʻlgan ilgʻor va murakkab texnologiyalardan foydalanish imkoniyatiga ega boʻlasiz. Siz, shuningdek, savdolarni amalga oshirishda muvaffaqiyat qozonish imkoniyatini oshiradigan yuqori darajadagi maʼlumotlarga ega boʻlasiz. Shu bilan birga, siz litsenziyalangan dasturiy taʼminot orqali masofadan turib ham treyding qilishingiz mumkin. Biroq, masofaviy treyding firma binosiga borib treyding qilish kabi koʻp afzalliklarni taqdim etmaydi.

Xususiy treyder qancha pul ishlashi mumkin?

Garchi koʻp jihatdan xavfli deb hisoblansa-da, xususiy treyding moliya muassasalari tomonidan amalga oshiriladigan eng foydali operatsiyalardan biri hisoblanadi. Xususiy treyder tomonidan ishlab topilgan summa odatda oldindan belgilangan foydani taqsimlash nisbatiga bogʻliq. Ishlab topilgan summa komissiyalar, kelishuvlar, daromadlilik, hajm va hokazolarga qarab xususiy treyder tomonidan olingan foydaga toʻliq bogʻliq. Bu imkoniyatlar cheksiz ekanligini anglatadi.

Savdodan olinadigan foyda summasi odatda firma va xususiy treyder oʻrtasida taqsimlanadi, ammo keyinchalik xavf asimmetrik boʻladi. Bu shuni anglatadiki, yoʻqotilgan taqdirda siz 100% yoʻqotishlarni oʻz zimmangizga olasiz, ammo foydaning 100% ni ololmaysiz. Aksariyat kompaniyalar jami foydaning 10-25% ni oʻziga olib qoladi va qolgan qismini xususiy treyderga beradi. Siz treyding, ayniqsa kunlik treyding juda oʻzgaruvchan ekanini, yaʼni siz millionlab pul topishingiz va shu bilan birga yoʻqotishingiz mumkinligini tushunishingiz kerak.

Xususiy treyding firmasi qanday tanlanadi?

Xususiy treyderlar uchun eng mashaqatli ish odatda yaxshi xususiy treyding firmasini topish hisoblanadi. Buning sababi, yuqorida aytib oʻtilganidek, treyding firmasi sifatida oʻzini namoyon qiladigan kompaniya treyderlarni aldab ketishi xavfi yuqori. Hamkorlik qilayotgan firmangiz yaxshi tajribaga ega qonuniy muassasa ekanligiga ishonch hosil qiling. Bir nechta platformalarda u haqida bildirilgan fikrlar va sharhlarni tekshiring.

Bundan tashqari, menejerlarni tekshirishingiz, ular ilgari hech qanday janjal yoki firibgarlik faoliyatida ishtirok etmaganligini tasdiqlashingiz kerak boʻladi. Tekshiruvni sinchkovlik bilan amalga oshirganingizga va xususiy treyding bilan bogʻliq xavflarni tushunganingizga ishonch hosil qiling.

Eng yaxshi xususiy treyding hisoblari – 2024

1 Earn2Trade

HISOB OCHISH

Earn2Trade uchta farqli moliyalashtirilgan treyding dasturlarini taqdim etadi. Ular Gauntlet, Gauntlet Mini va butunlay yangi Trader Career Path dasturlari hisoblanadi.

Gauntlet dasturi uchun bir martalik toʻlov talab qilinadi. Treyderlar 60 kun davomida $25 000 lik virtual hisobni boshqaradilar, bu muddat davomida kamida 30 kalendar kuni va haftada bir marta savdo qilishlari kerak. Agar ular koʻrsatmalarga rioya qilsa va 10% daromad maqsadiga erishsa, muvaffaqiyatli nomzodlar Helios Trading Partners yoki Appius Trading tomonidan kafolatlangan moliyaviy taklif oladilar.

Topstep Futures va Topstep Forex – Gauntlet Mini dasturiga oʻxshash dasturlardir. Treyderlar oylik toʻlov toʻlaydilar va koʻrsatmalarga rioya qilishlari shart hisoblanadi. Oylik toʻlovga treyding boʻyicha darslar, vebinarlar va Journalytix (TM) ga kirish kiradi. Keyin treyderlar moliyalashtirilgan treyding hisobi uchun taklif oladilar.

Earn2Trade firmasining eng yangi dasturi – bu Trader Career Path. Treyderlar $25000 lik virtual kapital hisobi bilan faoliyatini boshlaydi va agar ular baholashdan oʻtsa, $25000 lik hisob bilan moliyalashtiriladi. Baholashdan soʻng treyderlar treyding kareralarini rivojlantirishi va oylik obuna toʻlovini toʻlamasdan $200000 gacha boʻlgan aktivlarni boshqarishi mumkin.

Earn2Trade tanlash uchun 20 ga yaqin eng katta treyding platformalarini taklif qiladi. NinjaTrader va Finamark, R|Trader va Overcharts eng keng tarqalgan, ammo Agena Trader, MultiCharts va boshqa koʻplab platformalar ham dastaklanadi.

Xarajatlar

Earn2Trade Trader Career Path dasturi narxi oyiga $150 turadi, boshlangʻich kapital esa $25 000. Gauntlet Mini dasturi beshta hisob hajmini taklif etadi (oyiga $150 ga 25 ming dollar, $170 ga 50 ming dollar, $245 ga 75 ming dollar, $315 ga uchun 100 ming follar va $350 ga 150 ming dollar).

Va nihoyat, anʼanaviy Gauntlet dasturi $343,2 miqdordagi bir martalik toʻlov evaziga taklif etiladi. Earn2Trade hisoblarida bepul sinov muddatlari mavjud emas, lekin quyida 20%-40% chegirmalar taqdim etiladi.

Qancha pul jalb qilishingiz mumkin?

Treyderlar kapitaldan olingan barcha daromadlarining 80% ni oʻzida olib qoladi.

2 SurgeTrader

HISOB OCHISH

SurgeTrader oʻzining treyding mezonlariga javob beradigan moliyalashtirilgan treyderlarga 75% foyda taklif qiladi. Bu turli aktivlar bilan investitsiya portfelingizni diversifikatsiya qilish uchun mukammal yordamchi firma hisoblanadi. SurgeTrader boshqa koʻplab savdo firmalaridan farqli oʻlaroq, faqat bir bosqichli baholash tizimiga ega.

Barcha mahorat darajasidagi treyderlar oltita paketdan birini tanlashlari mumkin. Uning Starter toʻplami orqali darhol $25000 miqdorida mablagʻ va 10% daromad maqsadi olasiz. Bu yerda 5% lik maksimal treyling pasayishi amal qiladi. Starter toʻplami agressiv hisoblarni hushlamaydigan yangi boshlaganlar uchun ideal hisoblanadi. 1 million dollarlik mablagʻ hajmi va 75% foyda taqsimotiga ega Master toʻplami eng yuqori darajadagi hisob hisoblanadi. 10% lik maqsad, toʻrt foizlik kunlik yoʻqotish limiti va besh foizlik maksimal treyling pasayishi belgilanadi. Agar qobiliyatingizga ishonsangiz, bu toʻplam aynan sizga mos boʻlishi mumkin.

Bundan tashqari, ushbu xususiy treyding firmasi kripto va oltindan iborat turli qimmatli qogʻozlarni, shuningdek, mashhur fond indekslarini taklif etadi. 1:10 gacha kredit yelkasi olish mumkin.

Top xususiy treyding firmasi – SurgeTrader oʻzining barcha mijozlarini baholashdan oʻtishini talab qiladi. SurgeTrader baholash jarayonining faqat bitta bosqichidan oʻtishingiz kerak boʻladi. Baholashdan oʻtish uchun hisobingizdagi balansning 10% dan ortigʻi miqdorida pul topishingiz shart emas.

Baholash toʻlovlari har bir hisob uchun $200 dan $6500 gacha farqlanadi. Baholashdan oʻtish uchun urinishlar soni boʻyicha hech qanday cheklov yoʻq. Toʻlovlar qilish va mablagʻlarni yechib olish uchun kredit/debet kartalari va PayPaldan foydalanishingiz mumkin.

3 FTMO

HISOB OCHISH

Shunisi eʼtiborga loyiqki, FTMOning tayanchi uning valyutalaridir. Agar siz valyutalar bilan treyding qilishni yoqtirsangiz, bu Forex tomonidan moliyalashtirilgan hisobdan foydalanish uchun eng yaxshi joy hisoblanadi. Siz 44 ta valyuta juftligi, shuningdek, 10 ta kriptovalyuta bilan savdo qilishingiz mumkin. Bundan tashqari, naqd pul indekslari, tovarlar va aksiya CFDlari bilan treyding qilish mumkin.

MetaTrader 4, MetaTrader 5 va cTrader kabi uchta eng mashhur Foreks treyding platformalarining bepul versiyalaridan foydalanish mumkin.

Xarajatlar

Toʻlov har bir FTMO chellenji uchun bir marta toʻlanadi. Moliyalashtirilgan hisob valyutasi USD, GBP, EUR, CZK, SAPR, AUD yoki CHF boʻlishi mumkin boʻlsa-da, chellenj toʻlovi faqat yevroda olinadi. 10 minglik hisob uchun ishtirok narxi 155 yevrodan boshlanadi. 25 ming 250 yevro, 50 ming 345 yevro, 100 ming 540 yevro va 200 ming 1080 yevroga teng.

Qancha pul jalb qilishingiz mumkin?

Treyderlar $10000 dan $400000 gacha kapital va 80/20 nisbatda foyda oladi. Treyder berilgan kapitaldan olgan har qanday summadagi foydaning 80% qismiga ega boʻladi.

Bunga qoʻshimcha ravishda, moliyalashtiriladigan hisoblar uchun Skeyling rejasi mavjud boʻlib, u treyderlarga foydani taqsimlash nisbatini 90:10 gacha, hisob hajmini $2000000 gacha oshirish imkonini beradi.