Eng yaxshi moliyalashtirilgan treyder hisoblari – 2024
Eng yaxshi moliyalashtirilgan treyder hisobi – Topstep
Top moliyalashtirilgan treyder hisoblari:
Topstep Trader – Kunlik savdo strategiyalari uchun eng yaxshisi
SurgeTrader – Professional treyderlar uchun eng yaxshisi
FTMO – Tajribali treyderlar uchun eng yaxshisi
Earn2Trade – Chakana fyuchers treyderlari uchun eng yaxshisi
The5ers – MT5 platformasida savdo qilish uchun eng yaxshisi
Maverick Trading – Faol treyderlar uchun eng yaxshisi
Elite Trader Funding – Masofaviy moliyalashtirish uchun eng yaxshisi
OneUp Trader Funding – Xavfsiz savdo uchun eng yaxshisi
Try Day Trading – Birga-bir murabbiylik uchun egn yaxshisi
|
1
|
2.34
/10
|
|
|
|
2
|
2.28
/10
|
|
|
|
3
|
9.78
/10
|
|
Moliyalashtirilgan savdo hisoblarining afzalliklari juda koʻp. Oʻzingiz yoqtirgan ish bilan shugʻullanib, kapitalingizni xavf ostiga qoʻymasdan pul ishlashingiz mumkin. Eng yaxshi moliyalashtirilgan treyder dasturi qanday tanlanadi? Quyida barcha provayderlarni va ularning ijobiy va salbiy tomonlarini koʻrib chiqamiz.
Moliyalashtirilgan treyding dasturi nima?
Moliyalashtirilgan treyder dasturida treyderlar xususiy firmaning pullaridan foydalangan holda savdo qilish imkoniyatiga ega boʻladi. Siz va xususiy firma moliyalashtirilgan hisobda olgan daromadingizni boʻlishib olasiz.
Treyding sanoati gullab-yashnayotgan soha boʻlib, unda koʻplab odamlar har kuni koʻproq narsani oʻrganishga harakat qilishadi, lekin bu nafaqat asosiy elementlarni bilish, balki pulingizni qanday boshqarishni bilish va muvaffaqiyatga erishish hisoblanadi.
Odamlar uchun onlayn savdo koʻnikmalari va strategiyalarini oʻrganish va doimiy daromadli treyderga aylanish osonlashib bormoqda, biroq koʻplab odamlar oʻzining foydali savdolaridan katta miqdorda pul ishlab olishi uchun juda katta summadagi investitsiya kapitaliga ega emas.
Treyderlar uchun taʼlim resurslari, vebinarlar va yordam taklif qilish orqali yaxshi moliyalashtirilgan treyder dasturlari sizga shunchaki savdo kapitali bilan savdo qilishni boshlashga yordam beradi. Bundan tashqari, eng yuqori sifatli savdo platformasi va eng yuqori sifatli moliyalashtirilgan hisoblarni taklif qiluvchi hamkor kompaniyaga ega boʻlish muhim ahamiyatga ega.
Moliyalangan treyder hisoblari xavfni kamaytirish afzalliklariga ega. Real vaqt rejimidan maʼlumotlar va foydali platformadan kichik oylik toʻlov evaziga foydalanish mumkin. Kerakli koʻnikmalarga ega ekanligingizni isbotlaganingizdan soʻng, sizga moliyalashtirilgan hisobga kirish huquqi taqdim etiladi. Mablagʻ olganingizdan keyin, savdodan oladigan foydaning 90% ni oʻzingizda saqlab qolasiz.
👍 Moliyalashtirilgan treyding hisoblarining afzal jihatlari:
• Moliyalashtirilgan treyderlar oʻz hisoblariga ajratilgan mablagʻlardan oʻzlari xohlagancha foydalanishlari mumkin. Buni afzallik deb hisoblasa boʻladi.
• Moliyalashtirilgan treyderlar moliyalashtirilmagan treyderlarga qaraganda kattaroq bozor harakatlarini amalga oshirish uchun kapitalga kirish imkoniyatiga ega boʻlishadi.
• Moliyalashtirilgan treyder sifatida oʻz pulingizdan foydalanmasligingiz sababli ham muayyan tarzda himoyalangan hisoblanasiz.
• Litsenziya olish va sertifikatlash dasturlaridan oʻtish yangi mutaxassislar va yakka tartibdagi treyderlar uchun juda qiyin boʻlishi mumkin. Moliyaviy treyder boʻlganingizda, darhol savdoni boshlash uchun kerakli litsenziyalar va sertifikatlarga ega boʻlasiz.
• Sizdan ofisda ishlashni talab qilinishi oʻrniga, koʻpgina moliyalashtirilgan treyding dasturlari sizga internetga kirish imkoni boʻlgan har qanday joydan savdo qilish imkonini beradi.
👎 Moliyalashtirilgan treyding hisoblarining kamchiliklari:
• Nominal foydalanish erkinligiga qaramay, moliyalashtirilgan treyderlar oʻz kompaniyasining homiyligi ostida muayyan nizomlar va qoidalarga rioya qilishi kerak. Ushbu qoidalarning bir qismi sifatida kunlik yoʻqotish limitlari, maksimal pozitsiyalar va boshqa talablar mavjud.
• Moliyaviy treyder boʻlish uchun ham vaqt talab etiladi, ayniqsa, sizda dasturni darhol qabul qilish uchun bilim yoki tajriba boʻlmasa, bu uzoq vaqt oladi.
• Muayyan savdo kompaniyalari bilan savdo qilishda daromadingiz dastlabki bir necha yil ichida kutganingizdan past boʻlishi mumkin, chunki ular moliyalashtirilgan treyderlaridan katta xizmat toʻlovlari undiradilar.
2024-yilgi eng yaxshi moliyalashtirilgan treyding dasturlari taqqoslovi
1 Topstep
Oʻzining brend kuchi va sanoat innovatori sifatida nufuzi va Inc 5000ʼning eng tez rivojlanayotgan kompaniyalardan biri – Topstep koʻplab treyderlarning ishonchini qozonib kelmoqda. Moliyalashtirilgan hisob dasturida ishtirok etish uchun barcha treyderlar Treyding Kombaynidan boshlanadi. Siz real vaqt rejimida $150 ming, $200 ming yoki $300 minglik xarid quvvatiga ega simulyatsiya qilingan fyuchers hisobini ochishingiz mumkin.
Treyding Kombayni mobaynida barqaror daromadlilikni namoyish qilsangiz va risklarni toʻgʻri boshqarsangiz, moliyalashtirilgan savdo hisobini olishingiz mumkin. Siz Topstep kapitalidan foydalanib, u tomonidan taqdim etilgan mablagʻlar bilan shaxsiy moliyaviy risklarsiz real vaqt rejimida savdo qilishingiz mumkin.
Treyder sakkiz savdo kuni ichida moliyalashtirilgan hisobni olish huquqiga ega boʻlishlari mumkin (taqdim etilgan mablagʻ summasi Treyduing Kombayni rejasiga koʻra belgilanadi).
Siz oladigan dastlabki $5000 daromadingizni toʻliq yechib olishingiz mumkin. Undan ortadigan summaning 90% ni yechib olish mumkin.
Topstepda toʻlov soʻrovlari har kuni koʻrib chiqiladi (ertalabsi soat 10:00 CT dan oldin qilingan toʻlov soʻrovlari shu kuni koʻrib chiqiladi).
Topstepning treyderlar uchun rivojlantirish xizmatlari professional treyderlar koʻrsatmalari, vositalar va har kunlik jonli videolar, shuningdek, treyderlar samaradorlik boʻyicha moslangan tahlillar va bonuslarni oʻz ichiga oladi.
Dastaklanadigan savdo platformalariga TSTrader, TradingView, NinjaTrader, Sierra Chart, MultiCharts, R|Trader Pro va boshqalar kiradi.
$50 minglik hisob uchun Topstep narxi oyiga $165 dan boshlanadi. $100 minglik hisoblar oyiga $325, $150 minglik hisoblar esa oyiga $375 turadi. 14 kun davomida bepul sinov imkoniyatidan foydalanish mumkin.
2 SurgeTrader
SurgeTrader oʻzining treyding mezonlariga javob beradigan moliyalashtirilgan treyderlarga 75% foyda taklif qiladi. Bu turli aktivlar bilan investitsiya portfelingizni diversifikatsiya qilish uchun mukammal yordamchi firma hisoblanadi. SurgeTrader treyderlardan bir nechta baholash darajalaridan oʻtishni talab qiladigan boshqa koʻplab savdo firmalaridan farqli oʻlaroq, faqat bir bosqichli baholash tizimiga ega.
Treyderlarda 6 ta toʻplamdan tanlashi mumkin. Uning Starter toʻplami orqali darhol $25000 miqdorida mablagʻ va 10% foyda maqsadi olasiz. Bu yerda 5% lik maksimal treyling pasayishiga ruxsat beriladi. Starter toʻplami yuqori darajada agressiv savdodan saqlanishni xohlaydigan yangi boshlovchilar uchun mos keladi. $1 million dollarlik moliyalashtirish hajmi va 75% foyda taqsimoti taklif etiladigan Master toʻplami eng yuqori darajadagi hisob hisoblanadi. 10% lik foyda maqsad, toʻrt foizlik kunlik yoʻqotish limiti va besh foizlik maksimal treyling pasayishiga ruxsat beriladi. Agar qobiliyatingizga ishonsangiz, unda bu toʻplam aynan sizga mos boʻlishi mumkin.
Ushbu xususiy treyding firmasi kripto va oltindan iborat turli qimmatli qogʻozlarni, shuningdek, mashhur fond indekslarini taklif etadi. 1:10 gacha kredit yelkasidan foydalanish mumkin.
Top xususiy treyding firmasi – SurgeTrader oʻzining barcha mijozlarini baholashdan oʻtishini talab qiladi. SurgeTrader baholash jarayonining faqat bitta bosqichidan oʻtishingiz kerak boʻladi. Baholashdan oʻtish uchun hisobingizdagi balansning 10% dan ortigʻi miqdorida pul topishingiz shart emas.
Baholash toʻlovlari har bir hisob uchun $200 dan $6500 gacha farqlanadi. Baholashdan oʻtish uchun urinishlar soni boʻyicha hech qanday cheklov yoʻq. Toʻlovlar qilish va mablagʻlarni yechib olish uchun kredit/debet kartalari va PayPaldan foydalanishingiz mumkin.
3 FTMO
FTMO Foreks savdosiga ixtisoslashgan xususiy savdo firmasi boʻlib, bu sohada bir qancha mukofotlarni qoʻlga kiritgan. FTMO treyderlari 2021-yilda $23 000 000 dan ortiq toʻlovlarni oldi, oʻrtacha toʻlovni qayta ishlash vaqti 8 soatni tashkil etdi.
FTMOda moliyalashtirilgan treyding hisobiga ega boʻlish uchun uch bosqichni tugallashingiz kerak.
30 kun ichida FTMO Chellenjining belgilangan foyda maqsadlariga erishishingiz kerak.
FTMO Chellenjini muvaffaqiyatli yakunlaganingizdan soʻng, 60 kunlik tekshirish jarayoniga oʻtasiz.
FTMO sizga $10 000 dan $400 000 gacha summadagi hisobni taklif qiladi. Mablagʻ Chellenj va Tekshiruvdan iborat ikki bosqichli baholash jarayonidan oʻtganingizdan soʻng beriladi.
Treyderlar 80:20 foydani boʻlish nisbatiga koʻra, olgan foydasining 80% ni yechib olishi mumkin. Bundan tashqari, hisob hajmi $2 000 000 yoki undan koʻp boʻlgan mablagʻ bilan taʼminlangan hisoblarda treyderlar daromadlarini taqsimlash rejasini 90:10 nisbatgacha oshirish imkoniyatiga ega.
Firmada 44 ta valyuta juftligi va 10 ta kriptovalyuta bilan savdo qilish mumkin. Shuningdek, aksiya CFDlari, tovarlar va indekslar bilan savdo qilishingiz mumkin.
FTMO valyuta savdosida, Topstep esa fyuchers savdosida ustun.
MetaTrader 4, MetaTrader 5 va cTrader kabi uchta eng mashhur treyding platformalarining bepul versiyalaridan foydalanish mumkin.
FTMO Chellenjida ishtirok etish uchun treyderlar bir martalik toʻlovni toʻlashlari kerak. Hisobni moliyalashtirish uchun USD, GBP, EUR, CZK, SAPR, AUD va CHF ishlatilishi mumkin, ammo chellenj toʻlovini faqat yevroda toʻlash mumkin. $10 minglik hisob uchun ishtirok toʻlovi 155 yevrodan boshlanadi. $25 minglik hisob uchun 250 yevro, $50 minglik hisob uchun 345 yevro, $100 minglik hisob uchun $540 yevro va $200 minglik hisob uchun $1080 yevro toʻlanishi kerak.
4 Earn 2 Trade
Oyiga $150 evaziga Earn 2 Trade $25 ming mablagʻga ega Gauntlet Mini hisobini taklif qiladi. Oyiga $350 lik variantni tanlaganingizda, siz $150 minggacha mablagʻ olishingiz mumkin.
Agar siz hali ham savdoga boʻlgan ishonchingizni oshirayotgan boʻlsangiz, boshlanishiga $150 oylik toʻlov variantini tanlashingiz mumkin. Ushbu hisobni olganingizdan soʻng birinchi oyda sizga taqdim etilgan murabbiylikka koʻra $1750 va undan koʻp mablagʻni maqsad qilishingiz mumkin.
Shu asnoda, hisobingizni oyiga $350 variantga yangilash uchun qoʻshimcha pul sarflashingiz shart emas.
Bundan tashqari, ushbu muvaffaqiyatga erishish sizga xususiy treyding hamkorlari hisoblariga kirish imkonini beradi. Bu nuqtaga yetganingizdan soʻng quyidagilarga kirishingiz mumkin:
Boshqa hollarda $249 turadigan yangi boshlovchilar kursi
Treyding simulyatoriga kirish
Journalytixga kirish
5 The5ers
Ushbu roʻyxatda koʻrsatilgan boshqa dasturlar bilan taqqoslaganda, The 5%ers butunlay boshqacha yondashuvni qoʻllaydi. The 5%ers har bir moliyalashtirilgan savdo hisobini real pul bilan moliyalashtiradi, shuning uchun obunachilar u bilan savdo qilishi mumkin.
Savdo qilinadigan qimmatli qogʻozlar EUR/USD, USD/CHF kabi barcha asosiy Foreks turlarini va AUD/SAPR va GBP/JPY kabi asosiy kesishgan juftliklarni oʻz ichiga oladi. 1-darajali dastur har bir treyderdan 10% dan 25% gacha boʻlgan daromad maqsadiga erishishni talab qiladi.
Qoidalarga muvofiq savdo qilish orqali maqsadli daromadga erishgandan soʻng, 1-darajali dastur yopiladi. Portfel menejeri hamkori sifatida siz foyda taqsimotiga koʻra foyda olasiz va keyingi moliyalashtirish darajasida siz uchun yangi savdo hisobi ochiladi.
Ushbu savdo hisobi va boshqalar oʻrtasidagi asosiy farq – bu foydalanish qulayligi. The5%ers va uning aʼzolari oʻrtasida daromad 50:50 nisbatda taqsimlanadi. Shunga koʻra, treyder foydaning yarmini oʻzida olib qoladi.
Dasturlarning har biri MetaTrader 5 savdo platformasida joylashgan. Ishtirok etish toʻlovi $275 dan $875 gacha farqlanadi.
6 Maverick Trading
Treyding olamida Maverick eng yaxshi kompaniya hisoblanadi. Kamroq tajribaga ega boʻlsangiz ham, Maverickda savdoni boshlashingiz mumkin, chunki u professional maslahatchilar va mashhur robot maslahatchilari xizmatlarini taklif qiladi.
Maverick har ish kunida vebinarlar va darslar oʻtkazadi. Ish soatlarida darslar va vebinarlar yordamida malakangizni osongina oshirishingiz mumkin.
Maverickda opsionlar, aksiyalar va Foreks bilan savdo qilishingiz mumkin. Yangi treyder sifatida Maverick jamoasining yordami, texnologiya va oʻquv darslariga suyanishingiz mumkin.
Maverickga ishonchliligingizni isbotlasangiz, ular sizni jamoasiga qoʻshilishga taklif qiladi va darhol sizni moliyalashtiradi. Ishingizning daromadliligidan kelib chiqib, bir zumda moliyalashtirish summasi oshirilishi mumkin.
Agar oʻzingizni faol treyder deb hisoblasangiz, darhol moliyalashtirish va Maverickning rivojlanishiga hissa qoʻshish imkoniyatini qoʻldan boy bermang.
Maverick treyderlari baholash paytida asosan ThinkorSwimdan foydalanadi. Biroq, ularning aksariyati jonli hisoblar uchun Interactive Brokers dasturini afzal koʻradi. Buning sababi shundaki, Interactive Brokers harakatlanish oson boʻlgan juda qulay interfeysga ega.
Baholash bosqichining bir qismi sifatida Foreks dasturi Interactive Brokers dasturidan ham foydalanadi. Maverickning oʻqitish yondashuvi boshqa dasturlardan ancha samarali va keng qamrovli ekanligi bilan farq qiladi. Ammo u juda qimmat. Opsionlar dasturiga qoʻshilish sizga taxminan $7000 ga, Foreks dasturiga qoʻshilish esa taxminan $4000 ga tushadi.
7 Elite Trader Funding
Elite Trader Funding kompaniyasining EOD dasturi bilan siz kun oxiridagi pasayishlarga ega fyuchers baholashlarida eng yaxshi qiymatga ega boʻlasiz. Yagona umumiy treyling pasayishiga ega bir bosqichli baholashlari EOD dasturlarining har kungi pasayish cheklovlaridan qochishga intilayotgan treyderlar uchun arzonroq variantdir.
Agar siz Elite Trader Funding dasturlaridan foydalanmoqchi boʻlgan agressiv treyder boʻlsangiz, Elite Trader Funding Fast Track baholashlariga obuna boʻlishingiz mumkin, u yerda siz atigi $150 evaziga $6500 gacha mablagʻ olishingiz mumkin. Jonli moliyalashtirish huquqiga ega boʻlganingizdan soʻng siz $160 lik bepul maʼlumotlarni olasiz.
$25 minglik Mini Track baholashi $45 dan boshlanadi va koʻpi bilan 14 kalendar kuni va kamida 10 savdo kuni ichida yakunlanishi kerak. Ushbu parametr kunlik savdo fyucherslarida yuqori darajadagi ishonch va tajribaga ega boʻlgan tajribali treyder boʻlishingizni talab qiladi.
Bundan tashqari, $100 ming va $250 minglik baholashlar boʻyicha bepul maʼlumotlarning maxsus takliflari va EOD va 1-qadamdagi qayta tiklashlarni ham taʼkidlash joiz, ammo tezkor treklar bundan mustasno. Baholashning toʻrtinchi turi sifatida Elite oʻz nomiga mos keluvchi statik pasayish baholashlarini taklif etadi. Ushbu turdagi baholashlar maksimal yoʻqotishga ega va treyling pasayishi yoʻq. Shuni ham taʼkidlash kerakki, minimal ruxsat etilgan balans vaqt oʻtishi bilan oʻzgarmaydi.
8 OneUp Trader Funding
Oʻn yillik tajriba OneUp Traderni hisobingizni moliyalashtirish uchun eng ishonchli xususiy firmalardan biriga aylantirdi. Qaror qabul qilishda turli tafakkur maktablaridan foydalanishni ragʻbatlantirish orqali ushbu dastur mustaqillikni targʻib qiladi.
Oʻziga xosligidan tashqari, ushbu platforma oʻz foydalanuvchilariga katta ishonch bildiradi. Ushbu dastur treyderlardan noreal savdo maqsadlariga erishishni talab qiladigan boshqa dasturlarga qaraganda yumshoqroq oʻrganish amaliyotini taqdim etadi.
OneUp aʼzosi sifatida siz oʻzingizni katta oilaning bir qismidek his qilasiz. Ishonchingizni oshirish haqida gap ketganda, bu juda muhim.
Bundan tashqari, siz daromadingizni qanday taqsimlashni tanlashingiz mumkin. Foydani taqsimlashning ikkita varianti mavjud - 50-50 va 80-20.
Bundan tashqari, ularning darajalari ancha arzon, ayniqsa siz 50-50 nisbatini tanlasangiz. Foydani 50% dan taqsimlash tartibi sizga $25 ming hisob uchun oyiga $95 turadi. Boshqa tomondan, 80% variantda $25 minglik hisob sizga oyiga $125 ga tushadi.
9 Try Day Trading
Foreks savdosi Try Day Tradingning yagona faoliyat maqsadi hisoblanadi. Boshqa moliyalashtirilgan savdo dasturlaridan farqli oʻlaroq, Try Day Trading sizga faqatgina pul ajratmaydi. Qoʻshilganingizdan keyin ular sizni 12 haftalik kursga yoʻnaltiradi.
Ushbu kurs sizni haqiqiy pul bilan savdo qilishni boshlaganingizdan soʻng muvaffaqiyatga erishishga tayyorlaydi. Kompaniyaning savdo madaniyati bilan tanishish ham muvaffaqiyatga erishishning muhim omilidir.
Try Day Trading 2008-yildan beri mavjud va shundan beri rivojlanib bormoqda. Kompaniyaning 2016-yilda joriy etilgan birga-bir o‘quv dasturi Trader Executive kompaniyaning Lehi, Yutadagi ofislarida individual oʻquv jarayonini taqdim etadi.
Oʻquv dasturini tugatgandan soʻng, oʻquvchilar $100 000 gacha boʻlgan mablagʻga ega hisoblarni olishi va daromadlarining 80% ni oʻzida saqlab qolishi mumkin.
Moliyalashtirilgan treyding dasturlari taqqoslovi
Bu yerda muhokama qilingan moliyalashtirilgan treyder dasturlari bilan qisqacha tanishish uchun jadvalda barcha muhim fikrlarni alohida belgiladik.
| Quyidalari uchun eng mos | Sinov muddati | Foyda ulushi | Narx | Bozorlar | |
|---|---|---|---|---|---|
Topstep Trader |
Yangi kunlik treyderlar |
14 kun |
100% |
3 oylik aʼzolik uchun $495, 6 oylik aʼzolik uchun $990 |
Fyuchers |
SurgeTrader |
Prefessional treyderlar |
Foyda maqsadingiz rejasi asosida |
75%-90% |
$200 dan $6500 gacha |
Fyuchers |
FTMO |
Tajribali treyderlar |
14 kun |
90% gacha |
$139,50 dan $972 gacha |
Forex, indekslar, tovarlar, aksiyalar, kriptovalyutalar |
Earn 2 Trade |
Prefessional treyderlar |
15 kun |
80% |
Bootcamp: $2499 |
Fyuchers |
The5ers |
MT5 platformasi orqali savdo |
Yoʻq |
50% |
$275 dan $875 gacha |
Foreks, metallar va indekslar |
Maverick Trading |
Faol treyderlar |
Mavjud emas |
70%-80% |
Oʻquv dasturi uchun $6000 va oyiga $199 toʻlov, jonli savdo hisobini moliyalashtirish uchun $5000 |
Fyuchers, aksiyalar va opsionlar |
Elite Trader Funding |
Masofaviy moliyalashtirish |
14 kun |
Treyder moliyalashtirilgan hisobdagi dastlabki $12500 foydani 100% va undan keyin esa 80% olib qolishi mumkin |
$45 dan $75 000 gacha |
Fyuchers |
OneUp Trader Funding |
Risklardan holi savdo |
14 kun |
50%-80% |
$25 000 lik hisob uchun oyiga $95 dan $250 000 lik hisob uchun oyiga $650 gacha |
Fyuchers |
Try Day Trading |
Birga-bir murabbiylik |
30 kun |
50% |
$6 995 dan $15 395 gacha |
Foreks |
Qancha pul ishlashim mumkin?
Toʻliq moliyalashtirilgan hisoblarga ega Foreks treyderlari har oy bozordagi faoliyatiga qarab daromad oladi. Moliyalashtirilgan treyding dasturi bilan qancha pul ishlashingiz mumkinligi turli omillarga, jumladan, savdo koʻrsatkichlari va strategiyalariga bogʻliq. Bu, shuningdek, siz tanlagan moliyalashtirilgan savdo dasturi turiga bogʻliq. Shuning uchun turli moliyalashtirilgan savdo dasturlarini koʻrib chiqishda moliyalashtirilgan treyding hisob qoidalarini oʻrganish juda muhim.
Moliyalashtirilgan treyding dasturi qanday tanlanadi
Umumiy tajriba: Yaxshi moliyalashtirilgan treyding dasturini topishda sinchkovlik bilan oʻrganish muhim ahamiyatga ega. Jarayon va tajribani kuzatish uchun roʻyxatdan oʻtish va bepul sinovdan tortib hamkorlar orqali yechib olishgacha boʻlgan butun jarayondan oʻtish yaxshi fikr hisoblanadi. Moliyalashtirilgan treyging dasturi taklif qiladigan foydalanuvchi tajribasini his qilish sizga moliyalashtirilgan treyder dasturining sifati haqida qimmatli tushunchalarni taqdim etadi.
Qiymatni baholash: Moliyalashtiriladigan dastur orasidan yetakchilarini izlash muhim ahamiyatga ega. Noyob xususiyatlarni yuqori narxda taklif qiladigan dasturlarni koʻrib chiqing. Natijada siz past darajadagi dasturlarga vaqt sarflashdan saqlanishingiz mumkin.
Moliyalashtirilgan dastur funksiyalarini sinash: Moliyalashtirilgan treyder hisobining xususiyatlari, pasayish turlarini, parametrlarini va moslik talablarini baholang. Dasturlarni baholashda treyderlarning moliyalashtirilgan muhitda erkinligini hisobga oling. Savdo shartlari biroz cheklangan holatda, dastur qiymat va moliyalashtirish nuqtai nazaridan arzirli boʻlishi kerak.
Jonli savdo yoki xususiy firmaning hamkorlik shartlari: Jonli savdo shartlarini baholashda barcha muhim xususiyatlar hisobga olinishi kerak. Bu dastur toʻlovlari, savdo parametrlari, pul yechib olish shartlari, pul yechib olish tezligi va limitlar haqida batafsil maʼlumotlarni oʻz ichiga oladi. Moliyalashtirilgan treyder dasturi narx masalasida shaffoflikni taklif qilishiga ishonch hosil qiling. Baholashdan oʻtganingizdan soʻng yashirin shartlardan hayratda qolmasligingiz kerak.
Moliyalashtirilgan treyding dasturlari ishonchlimi?
Agar ishlash uchun mos kompaniyani tanlasangiz, moliyalashtirilgan savdo dasturlari juda ishonchli boʻlishi mumkin. Shunga qaramay, bu soha uchun yangi biznes modeli hisoblanadi. Dastur sifati kompaniyadan kompaniyaga farq qiladi. Baʼzi firmalar tovlamachilik qilib, oʻz mijozlarini aldashi mumkin. Shuning uchun sinchkovlik bilan oʻrganish va toʻgʻri tadqiqot qilish tavsiya etiladi.
Savollarga javoblar
Moliyalashtirilgan treyder dasturi nima?
Iqtidorli treyderlar moliyalashtirilgan treyder dasturida ishtirok etish orqali xususiy firmadan yordam olishlari mumkin. Bu toʻlovni toʻlashni (muvaffaqiyatli boʻlsa ,qaytarib beriladi) va baholash davrida ishtirok etishni oʻz ichiga oladi. Baholash koʻrsatkichlarini bajargandan soʻng, treyderga moliyalashtirilgan hisob beriladi.
Men moliyalashtirilgan treyder boʻla olamanmi?
Baholash bosqichi odatda kompaniyalar treyderlarning qobiliyatlarini baholashi uchun talab qilinadi. Moliyalashtirilgan savdo hisoblari belgilangan foyda maqsadiga erishgan va qolgan barcha talablarga javob beradiganlarga beriladi. Yuqori ishtirok toʻlovlari evaziga baʼzi kompaniyalar darhol moliyalashtiriladigan hisoblarni taklif qilishadi.
Moliyalashtirilgan treyder kompaniyalari qanday pul ishlaydi?
Treyderlarni moliyalashtiradigan kompaniyalar daromadlarning bir qismini olish orqali pul ishlashadi. Foyda taqsimoti kompaniyadan kompaniyaga farq qiladi. Baʼzi kompaniyalar qiyinchilik bilan topgan daromadingizdan 50% gacha ushlab qoladi. Baʼzi hollarda, xususiy firmaning oladigan ulushi ancha past boʻlib, treyderga ancha katta foyda qoladi.
Moliyalashtirilgan treyder sifatida qancha pul ishlash mumkin?
U boshqa omillarga bogʻliq. Muvaffaqiyatli boʻlsa, birlashtirilgan daromadlar katta foyda keltirishi mumkin. Ular katta xarid qobiliyatini taʼminlaganligi sababli, kattaroq moliyalashtirilgan hisoblar koʻproq foyda olish potensialini taklif qiladi.
Maqola ustida ishlagan jamoa
Jonatan M. AQSHda yashovchi yozuvchi va investor, Traders Union veb-saytining muallifi. Uning ikki asosiy mutaxassisligi moliya va investitsiya (xususan, foreks va tovarlar treydingi) va din/maʼnaviyat/meditatsiya hisoblanadi.
U Investopedia.com uchun maqolalar yozish tajribasiga ega, Steve Pomeranz Show, NPRda shaxsiy moliya radio dasturining bosh muallifi sifatida faoliyat yuritadi. Jonathan, shuningdek, 20 yildan ortiq investitsiya tajribasiga ega faol valyuta (foreks) treyderi ham hisoblanadi.
Nodirjon Hamraev ingliz tilidan oʻzbek tiliga tarjima qilish boʻyicha 5 yildan ortiq tajribaga ega professional tarjimon. Hozirga qadar hujjatlardan tortib, saytlarga qadar materiallarni oʻz ichiga oluvchi 250 dan ortiq loyihalarni muvaffaqiyatli yakunlagan.
Mirjan Hipolito jurnalist va Trader Union tashkilotida yangiliklar muharriri sifatida ishlaydi. U moliyaviy bozorlarda besh yillik tajribaga ega kripto yozuvchi. Uning ixtisosligi kunlik bozor yangiliklari, narxlarni prognoz qilish va birlamcha tanga takliflari (ICO) hisoblanadi.