Ripple (XRP) narxiga nimalar taʼsir qiladi?
Kriptovalyutalarga – boshqa aktivlar kabi – koʻpincha bozordagi turli omillar taʼsir qiladi. Ayrim omillar ularning narxi oshishiga, tushishiga yoki nisbatan bir xil boʻlishiga sabab boʻlishi mumkin.
XRP kabi kriptovalyutalar boshqa investitsiya vositalari va valyutalariga qaraganda ancha o‘zgaruvchan, chunki ular hali rivojlanishning dastlabki bosqichida. Shundan kelib chiqib, investorlar raqamli aktivlar bilan tajriba oʻtkazar ekan, narxlar tez-tez koʻtariladi va/yoki pastga tushadi.
Quyida XRP narxiga taʼsir qilishi mumkin boʻlgan boshqa omillarni koʻrib chiqamiz.
Rivojlanayotgan bozor
Kriptovalyuta hali ham rivojlanayotgan bozor hisoblanadi va bundan Ripple XRPsi ham mustasno emas. Kriptovalyuta mashhurlikka erishayotgan boʻlsa-da, anʼanaviy valyutalar bilan solishtirganda ular hali ham nisbatan kichik bozor hisoblanadi. Bu hatto kichikroq taʼsirlar, masalan, XRP tokenlariga ega bir guruh odamlar narxga taʼsir qilishi mumkinligini anglatadi.
Spekulyatsiya
Kripto bozori spekulyatsiyaga asoslangan holda ishlaydi. Daromad olish uchun investorlar XRP kabi kriptovalyutalarni xarid qilish va sotish orqali narxlarning koʻtarilishi yoki tushishiga pul tikadi. Agar investorlar XRP narxi qachon koʻtarilishini aniqlay olsa va narx koʻtarilishidan oldin darhol xarid qilsa, ular katta daromad olishlari mumkin.
Investorlar narx tushishidan oldin qisqa muddat ichida XRPni sotsalar ham daromad olishlari mumkin. Koʻpgina investorlar kripto bozorining yuqoriga va pastga tebranishlarini taxmin qilishga harakat qiladi va bu allaqachon oʻzgaruvchan bozorda yanada koʻproq oʻzgaruvchanlikka sabab boʻladi.
Nazorat qiluvchi organlarning XRP va umuman kriptovalyuta bozoriga bosimi. 2020-yil dekabr oyida AQSH Qimmatli qogʻozlar va birja komissiyasi Ripple qimmatli qogʻozlarni taklifi koʻrinishida XRP nomli raqamli aktivlarni sotish orqali 1,3 milliard dollar toʻplagani borasida daʼvo arizasini kiritdi. 2023-yil bahorida ikki yildan ortiq davom etgan daʼvo ishi hal etilishi mumkinligi va Ripple yakuniy qaror oʻz foydasiga chiqishi uchun yaxshi imkoniyatga ega ekanligi haqida maʼlumot paydo boʻldi.
Sof raqamli aktiv
XRP kabi kriptovalyutalarning aksariyati sof raqamli aktivlar hisoblanadi. Shunga koʻra, haqiqiy moddiy qiymatga ega boʻlmagan ushbu aktivlar hech qanday jismoniy tovar yoki valyuta bilan qoplanmaydi.
Shuning uchun ularning narxi faqat talab va taklif bilan belgilanadi. Istalgan moliyaviy bozorda talab va taklif koʻplab omillarga qarab oʻzgarishi mumkin. Kripto olamda xavfsizlik buzilishlari, tartibga solish amaliyotining kamligi va hatto investorlarni qoʻrqitadigan blokcheyn uzilishlar bilan bogʻliq qoʻrquvlar mavjud.
Tanqislik
Boshqa koʻplab kriptovalyutalar singari, XRP ham cheklangan taʼminot tamoyili asosida ishlab chiqilgan. Xususan, Ripple 100 milliard cheklangan miqdorga ega. Bundan keyin hech qachon boshqa XRP yaratilmaydi. XRPlar miqdori esa vaqt oʻtishi bilan kamayadi, chunki u har bir amalga oshirilgan tranzaksiya uchun sarflanadi. Bu XRP boshqa koʻplab tokenlar singari tokenni yoqish mexanizmi shakliga ega ekanini anglatadi.
Har safar XRP yordamida tranzaksiya amalga oshirilganda, yuboruvchi tomonidan kichik miqdor kiritiladi. Va bu jarayonda XRP yoʻq qilinadi va natijada umumiy taʼminotdan bu miqdor olib tashlanadi. Shunday qilib, koʻproq odamlar XRP sotib olishda va Ripple platformasidan foydalanishda davom etar ekan, uning narxi keskin oshishiga olib kelishi mumkin boʻlgan tanqislik yuzaga kelishi mumkin.
FED pul aylanishi
Federal zaxira kengashi (FED) koʻpincha inflyatsiyaga qarshi kurashish uchun foiz stavkalarini oshiradi. Maʼlumkin, yuqori foiz stavkalari bozor oʻzgaruvchanligini, ayniqsa kriptovalyuta kabi beqaror bozorlarda, qoʻzgʻatishi mumkin. Shunga koʻra, foiz stavkalari koʻtarilganda, XRP narxining oshishi va/yoki keskin tushishi kuzatiladi.
Tartibga solish muammolari
Hukumat tomonidan tartibga solish kriptovalyuta narxlariga, jumladan, XRP narxiga taʼsir koʻrsatadigan omillardan biri hisoblanadi. Nizomlar kriptovalyuta narxini oshishi yoki keskin pasayishiga olib kelishi mumkin. XRP holatida tartibga solish muammolari tufayli narxlar tushishi mumkin.
Masalan, Qimmatli qogʻozlar va birja komissiyasi Ripple kompaniyasini AQSH va butun dunyo boʻylab investorlarga roʻyxatdan oʻtmagan qimmatli qogʻozlar koʻrinishida XRP sotishda aybladi.
Bunday turdagi muammolar investorlarning XRPʼga boʻlgan ishonchi yoʻqolishiga olib kelishi, bu esa talabni kamaytirishi va oxir-oqibat bozordagi qiymatini pasaytirishi mumkin. Bunday holat avval ham yuz bergani ayni haqiqat. Qimmatli qogʻozlar va birja komissiyasi daʼvosi XRP narxining sezilarli pasayishiga olib keldi.