NEAR yetakchilikni qo‘lga oldi: qariyb 80% lik rallining sababi nimada

​NEAR Protocol tokeni kutilmaganda kripto bozori yulduzlaridan biriga aylandi. So‘nggi haftada u qariyb 80% ga o‘sdi, kunlik savdo hajmi esa milliardlab dollarga yetdi. Biroq joriy rallini faqat spekulyatsiya bilan izohlab bo‘lmaydi — so‘nggi bir necha oy ichida NEAR bozordagi rolini sezilarli darajada o‘zgartirdi.

NEAR oldinga chiqdi

Bugun NEAR taxminan $4,3 narxda savdo qilinmoqda — atigi 24 soat ichida qariyb 25% ga ko‘tarilgach. Loyihaning bozor kapitallashuvi taxminan $5,6 mlrd ga yetdi, kunlik savdo hajmi esa $2,4 mlrd dan oshdi.

Taqqoslash uchun, Bitcoin deyarli o‘smagan holda $81 000 dan yuqorida saqlanib turibdi, aksariyat yirik altcoinlar esa atigi 1–3% ga o‘sdi. Shu fon’da NEAR yaqqol ajralib turibdi.

CoinDesk ma’lumotlariga ko‘ra, asosiy drayverlardan biri NEAR Intents’dagi faollikning oshishi bo‘ldi. Ushbu xizmat foydalanuvchilarga mablag‘larni bridge’lar orqali qo‘lda o‘tkazmasdan, turli blokcheynlar o‘rtasida tokenlarni almashtirish imkonini beradi. So‘nggi kunlarda xizmat orqali yo‘naltirilgan Zcash savdo hajmi keskin oshdi. ZODL va Vizor kabi yirik walletlar ZEC swap’lari uchun Intents’ni integratsiya qildi, bunday tranzaksiyalarning kunlik hajmi esa hafta davomida qariyb olti baravar ko‘paydi.

X dagi postni ko‘rish Yuklanmoqda...

Tvitt muallif tomonidan o‘chirildi.

Lekin biz hamma narsani saqlab oldik 🙂.

NEAR avval ham kuchli momentumni namoyish etgan. May oyida token bir kunda 31% gacha, oy davomida esa 50% dan ko‘proqqa o‘sdi. O‘sha paytda ralli AI’ga bo‘lgan qiziqish, Bitwise’ning NEAR investitsiya mahsulotiga kirib kelgan mablag‘lar va tarmoqdagi texnik yangilanishlar kutilmalari bilan bog‘langan edi.

Daromad keltira boshlagan trafik

ZEC faolligining keskin oshishi Intents endi eksperimental funksiya sifatida emas, balki real tranzaksiya oqimlari uchun ishlaydigan infratuzilma sifatida foydalanilayotganini ko‘rsatdi. Sentabrga kelib, xizmat 30 dan ortiq blokcheyn va 100 dan ziyod aktivni qamrab oldi. Iyun oyiga kelib, Intents yaratgan jami komissiyalar $35,4 mln dan oshdi, kunlik o‘rtacha ko‘rsatkich esa $125 000 dan yuqori bo‘lib qoldi.

Keyingi qadam turli blokcheynlar o‘rtasidagi maxfiy tranzaksiyalar uchun ishlab chiqilgan xizmat versiyasi — Confidential Intents bo‘ldi. U tranzaksiya tafsilotlarini begonalardan yashiradi va treyderlarni boshqalarning savdo ma’lumotlaridan foydalanishi yoki strategiyalarini nusxalashidan himoya qilishga yordam beradi.

X dagi postni ko‘rish Yuklanmoqda...

Tvitt muallif tomonidan o‘chirildi.

Lekin biz hamma narsani saqlab oldik 🙂.

17-sentabrga kelib, Confidential Intents’da bloklangan mablag‘lar $70 mln dan oshdi. Ushbu chegaraga erishilgach, loyiha foydalanuvchilarni rag‘batlantirish dasturining birinchi bosqichini ishga tushirdi va xizmatda mablag‘ saqlaydigan hamda swap amalga oshiradigan foydalanuvchilarga 333 333 NEAR tokenini ajratdi.

AI’ga qaytish

Intents va maxfiy tranzaksiyalarning rivojlantirilishi kengroq strategik burilishning faqat bir qismidir. So‘nggi ikki yil ichida jamoa NEAR’ni oddiy Layer 1 blokcheynidan to‘lovlar, swap’lar va bir nechta blokcheynlarga kirish imkoniga muhtoj avtonom AI agentlari uchun infratuzilmaga bosqichma-bosqich aylantirmoqda.

NEAR hammuassisi Illia Polosukhinning faoliyat yo‘li hisobga olinsa, bu strategiya ayniqsa mantiqiy ko‘rinadi. NEAR’ni yaratishdan oldin u Google’da ishlagan va 2017-yilda chop etilgan Attention Is All You Need tadqiqot maqolasining sakkiz muallifidan biri bo‘lgan. Forbes yozishicha, aynan shu ish bugungi ChatGPT, Gemini va Claude kabi tizimlar asosida yotgan tamoyilni taqdim etgan.

O‘sha yili Polosukhin Google’dan ketib, Alexander Skidanov bilan birgalikda o‘z loyihasini ishga tushirdi. Jamoa dastlab dasturiy ta’minot ishlab chiqishni avtomatlashtirish bo‘yicha tajribalar o‘tkazdi, keyin esa e’tiborini blokcheynga qaratdi. Natijada Ethereum, Solana va boshqa yirik platformalar bilan raqobatlashishga mo‘ljallangan Layer 1 tarmog‘i — NEAR Protocol paydo bo‘ldi.

X dagi postni ko‘rish Yuklanmoqda...

Tvitt muallif tomonidan o‘chirildi.

Lekin biz hamma narsani saqlab oldik 🙂.

Loyiha Andreessen Horowitz va Dragonfly Capital kabi investorlarni ham qo‘shgan holda, jami $533 mln dan ortiq mablag‘ jalb qildi. 2022–2023-yillardagi kripto bozori pasayishidan so‘ng jamoa AI’ga boshqa nuqtayi nazardan qaytdi: o‘z modelini yaratish o‘rniga, NEAR endi AI agentlari mustaqil ravishda to‘lovlarni amalga oshirishi, aktivlarni almashtirishi va bir nechta tarmoqlarda ishlashi mumkin bo‘lgan muhitni taklif qilmoqda.

Yangi talablar uchun qurilgan tarmoq

Strategik burilish tarmoqning o‘zidagi o‘zgarishlar bilan birga kechdi. Yozda NEAR dinamik resharding mexanizmini ishga tushirdi. U faollik oshgani sayin yuklamani blokcheynning turli segmentlari o‘rtasida avtomatik ravishda qayta taqsimlaydi. Bu tarmoqqa infratuzilmani doimiy ravishda qo‘lda kengaytirmasdan, ko‘proq tranzaksiyalarni qayta ishlashga yordam berishi ko‘zda tutilgan.

Shu bilan birga, jamoa loyiha tokenomikasini o‘zgartirishni boshladi. Mexanizmlardan biri ekotizim daromadining bir qismi hisobidan NEAR’ni qayta sotib olishni nazarda tutadi. Tarmoqdagi xizmatlar qancha ko‘p komissiya yaratsa, bozorda tokenlarni sotib olishga yo‘naltirilishi mumkin bo‘lgan mablag‘ ham shuncha ko‘payadi.

Loyihaga institutsional qiziqish ham osha boshladi. Bitwise o‘zining NEAR investitsiya mahsulotiga sezilarli mablag‘lar kirib kelganini ma’lum qildi, Arthur Hayes esa HYPE va ZEC bilan bir qatorda tokenni o‘zi uchun eng qiziqarli uchta altcoin’dan biri deb atadi.

Shu fon’da NEAR asta-sekin Ethereum va Solana’ning navbatdagi raqobatchisidan ko‘proq narsaga aylanmoqda. Loyiha yagona ekotizim doirasida cross-chain likvidlik, maxfiy tranzaksiyalar va AI agentlari uchun infratuzilmani birlashtirishga intilmoqda.

Kripto bozoridagi ko‘plab texnologik konsepsiyalardan farqli o‘laroq, ushbu strategiyaning bir qismi allaqachon real trafik va komissiya daromadlari bilan qo‘llab-quvvatlanmoqda. Shu sababli joriy NEAR rallisi nafaqat investorlar kutilmalari, balki loyihaning yangi modeli amaliy qo‘llanila boshlagani bilan ham bog‘liq.